09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Կաշառք վերցնելու կասկածանքով ձերբակալվել է ՌԴ պաշտպանության փոխնախարարը
Քաղաքականություն
24.04.2024 | 12:58
ՌԴ պաշտպանության փոխնախարար Տիմուր Իվանովը ձերբակալվել է կաշառք վերցնելու կասկածանքով։ Այս մասին հայտնել է ՌԴ քննչական կոմիտեն։
Այլ մանրամասներ չեն հաղորդվում։
Ըստ ՊՆ-ի հաղորդագրության՝ Տիմուր Իվանովը 49 տարեկան է։ 1999-2012 թվականներին աշխատել է վառելիքաէներգետիկ համալիրի ձեռնարկություններում, այնուհետև՝ Մոսկվայի մարզի գործադիր իշխանությունում։ 2013-2016 թվականներին նա զբաղեցրել է Օբորոնստրոյի գլխավոր տնօրենի պաշտոնը։ 2016 թվականի մայիսին ՌԴ նախագահի հրամանագրով նշանակվել է պաշտպանության փոխնախարար։
Տիմուր Իվանովը վերահսկում է զորքերի բնակարանային ապահովման, նախարարության օբյեկտների շինարարության և հիմնանորոգման և ռազմական հիփոթեքի հարցերը:
Պաշտպանության փոխնախարարը գտնվում է ԱՄՆ-ի, Եվրամիության, Մեծ Բրիտանիայի և Կանադայի պատժամիջոցների տակ։
