08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
Ուկրաինական ԱԹՍ-ները, ամենայն հավանականությամբ, խոցել են ՌԴ-ի խորքում թիրախները
Քաղաքականություն
24.04.2024 | 12:26
Ուկրաինական անօդաչու թռչող սարքերը, ամենայն հավանականությամբ, խոցել են թիրախները Ռուսաստանի տարածքի խորքում գտնվող երկու շրջաններում։ Սմոլենսկի մարզի նահանգապետը հայտնել է «վառելիքի և էներգիայի օբյեկտներում» հրդեհների մասին, իսկ Լիպեցկի նահանգապետը՝ «անօդաչու թռչող սարքի վթարի» մասին արդյունաբերական գոտում, փոխանցում է BBC-ի ռուսական ծառայությունը:
«Մեր տարածաշրջանը կրկին ենթարկվում է ուկրաինական անօդաչու թռչող սարքերի հարձակման։ Ռուսաստանի զինված ուժերի հակաօդային պաշտպանության ուժերը պայքարում են օդային թիրախների դեմ։ Ամենայն հավանականությամբ, քաղաքացիական վառելիքաէներգետիկ օբյեկտների վրա թշնամու հարձակման արդյունքում հրդեհներ են տեղի ունեցել Սմոլենսկի և Յարցևոյի շրջաններում»,- գրել է Սմոլենսկի նահանգապետ Վասիլի Անոխինը Telegram-ում:
Ըստ նրա՝ փրկարար ծառայությունն արդեն սկսել է հետևանքների վերացման աշխատանքները։
Գրեթե միաժամանակ Լիպեցկի շրջանի նահանգապետ Իգոր Արտամոնովը հայտարարել է անօդաչու թռչող սարքի հարձակման մասին։
«Լիպեցկ քաղաքի արդյունաբերական գոտում անօդաչու թռչող սարք է կործանվել։ Զոհեր չկան»,- ասված է մարզպետի Telegram ալիքի լակոնիկ հաղորդագրության մեջ։
Ռուսական SHOT-ն էլ, վկայակոչելով տեղի բնակիչներին, հայտնում է, որ ուկրաինական անօդաչու թռչող սարքը կամ մի քանի սարքեր հարվածել են Սմոլենսկի մերձակայքում գտնվող Ռազդորո գյուղի նավթային պահեստին, որի տարածքից ծուխ ու կրակ է երևում։
