10.10.2026 | 18:18
ԶՈՒ ԳՇ պետն այցելել է մի շարք զորամասեր
Իջևան-Երևան ճանապարհին «Զիլ» մակնիշի ավտոմեքենա է կողաշրջվել. ուղևորը հոսպիտալացվել է
23.08.2018 | 16:29
Օգոստոսի 23-ին, ժամը 10:06-ին «911» ծառայությանն ահազանգ է ստացվել, որ Գեղարքունիքի մարզի Սևան ՃՈ նախկին հենակետի մոտակայքում հեղուկ գազով լի «Զիլ» մակնիշի ավտոմեքենա է կողաշրջվել, կա գազի արտահոսք. տեղեկացնում է ԱԻՆ-ը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Իջևան-Երևան M4 ավտոճանապարհի 92-րդ կմ-ին «Զիլ» մակնիշի ավտոմեքենան ճանապարհի երթևեկելի հատվածում կողաշրջվել է (վարորդ՝ Գ. Հ. ծնված 1975թ.), ինչի հետևանքով ուղևոր Ա. Գ.-ը (ծնվ. 1947թ.) հոսպիտալացվել է Սևանի ԲԿ, որտեղ ստանալով համապատասխան բուժօգնություն դուրս է գրվել:
Փրկարարները հոսանքազրկել են ավտոմեքենան և փակել գազի բալոնի փականը:
Հատուկ տեխնիկայի օգնությամբ ուղղել են ավտոմեքենան և կատարել ճանապարհի լվացման աշխատանքներ:
