03.05.2024 | 23:30
Ինչու Էրդողանի Սպիտակ տուն այցը հիմա տեղի չի ունենա. անդրադարձ
Լատվիայում կարգելվի դպրոցներում ռուսերեն սովորել որպես երկրորդ օտար լեզու
Քաղաքականություն
23.04.2024 | 21:52
Լատվիայի դպրոցներում 2026/2027 ուսումնական տարվանից ռուսերենը որպես երկրորդ օտար լեզու այլևս հնարավոր չի լինի սովորել։ Երկրի կառավարությունն ընդունել է հիմնական կրթության չափորոշչի կանոնների համապատասխան փոփոխությունները, գրում է rus.lsm.lv-ն։
Երկրորդ օտար լեզուն, որի ուսուցումը սկսվում է տարրական դպրոցն ավարտելուց հետո, 2026/2027 ուսումնական տարվանից կարող է լինել միայն Եվրամիության, Եվրոպական տնտեսական տարածքի պաշտոնական լեզուներից մեկը կամ լեզու, որի ուսուցանումը կարգավորվում է միջկառավարական համաձայնագրերով։ Ռուսաց լեզուն այս կետերից ոչ մեկի տակ չի մտնում:
Մինչև 2025 թվականի սեպտեմբերի 1-ը ռուսերենը որպես երկրորդ օտար լեզու սովորած դպրոցականները կկարողանան շարունակել ուսումը մինչև դպրոցն ավարտելը։
Լատվիայի դպրոցներում անգլերենը մշտապես դասավանդվել է որպես առաջին օտար լեզու՝ 1-ին դասարանից։
Ռուսերենը Լատվիայում ամենատարածված լեզուն է, որ երեխաներն ընտրում են որպես երկրորդ օտար լեզու։ 2022 թվականի սեպտեմբերի դրությամբ՝ այն ուսումնասիրել է 91,1 հազար դպրոցական։ 27,6 հազարը գերմաներեն է սովորում, 4 հազարը՝ ֆրանսերեն։ Իշխանությունները ռուսերենն ընտրողների մեծ թիվը բացատրում են այլ լեզուների ուսուցիչների բացակայությամբ։
