03.05.2024 | 23:30
Ինչու Էրդողանի Սպիտակ տուն այցը հիմա տեղի չի ունենա. անդրադարձ
ԱՄՆ-ը չինական բանկերի դեմ պատժամիջոցներ է մշակում՝ ՌԴ-ի հետ համագործակցելու համար․ WSJ
Քաղաքականություն
23.04.2024 | 23:30
ԱՄՆ-ը պատժամիջոցներ է մշակում, որոնք կարող են չինական որոշ բանկերին անջատել համաշխարհային ֆինանսական համակարգից։ Այս մասին գրում է The Wall Street Journal-ը՝ հղում անելով աղբյուրներին, փոխանցում է Meduza-ն։
Այսպիսով, Վաշինգտոնը հույս ունի դադարեցնել Պեկինի աջակցությունը ռուսական ռազմական արդյունաբերությանը։ Ամերիկացի պաշտոնյաների կարծիքով՝ Պեկինի օգնությունը թույլ է տվել Մոսկվային վերականգնել իր ռազմարդյունաբերական ներուժը, քանի որ Չինաստանը դարձել է ՌԴ էլեկտրոնային սխեմաների, ինքնաթիռների մասերի, մեքենաների և հաստոցների հիմնական մատակարարը: Բանկերն էլ ծառայում են որպես հիմնական միջնորդ դեպի Ռուսաստան առևտրային արտահանման, վճարումների մշակման և հաճախորդ ընկերություններին առևտրային վարկերի տրամադրման գործում։
Ամերիկացի պաշտոնյաները հույս ունեն, որ դոլարի հասանելիությունը կորցնելու սպառնալիքն ու Եվրոպայի հետ առևտրային կապերի վատթարացման վտանգը Պեկինին կստիպեն «փոխել ուղղությունը»։
Միաժամանակ, լրատվամիջոցի զրուցակիցները պարզաբանել են, որ բանկերի դեմ պատժամիջոցներին սահմանումն էսկալացիայի տարբերակ է, այն դեպքում, եթե դիվանագիտական մեթոդները չկարողանան Պեկինին համոզել սահմանափակել Ռուսաստան արտահանումը։
Վերջին շաբաթներին Վաշինգտոնը մեծացրել է ճնշումը Պեկինի վրա մասնավոր հանդիպումների և հեռախոսազանգերի ժամանակ՝ զգուշացնելով, որ ԱՄՆ-ը պատրաստ է գործողություններ ձեռնարկել չինական բանկերի դեմ։
Ըստ The Wall Street Journal-ի զրուցակիցների՝ Վաշինգտոնը հույս ունի, որ դիվանագիտական ճնշումը թույլ կտա խուսափել պատժամիջոցների սահմանումից, որոնք «կարող են խաթարել փխրուն զինադադարը» Միացյալ Նահանգների և Չինաստանի միջև։
Նշվում է, որ ԱՄՆ պետքարտողար Էնթոնի Բլինքենն ապրիլի 24-26-ը Չինաստան է այցելելու։
