15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
ՌԴ-ն համակարգված ռազմական և տեղեկատվական գործողություն է իրականացնում Խարկովի դեմ․ ISW
Քաղաքականություն
23.04.2024 | 14:29
Կրեմլը համակարգված օդային և տեղեկատվական գործողություն է իրականացնում՝ Խարկովը ոչնչացնելու և ուկրաինացիներին համոզելու փախչել քաղաքից՝ ռուսական ենթադրվող հարձակմանն ընդառաջ։ Այս մասին ասվում է Պատերազմի ուսումնասիրության ամերիկյան ինստիտուտի զեկույցում, գրում է BBC-ի ռուսական ծառայությունը։
Նշվում է, որ Կրեմլն օգտագործում է Ուկրաինայում Խարկովի վրա Ռուսաստանի հնարավոր հարձակման մասին մտահոգությունները՝ համակարգված տեղեկատվական օպերացիայի միջոցով ուկրաինացիների շրջանում խուճապ սերմանելու համար։
ISW-ն գնահատում է, որ Խարկովի վրա Ռուսաստանի հաջող ցամաքային հարձակման հավանականությունը շատ ցածր է, եթե Ուկրաինան արագ ռազմական օգնություն ստանա ԱՄՆ-ից:
Ուկրաինական պաշտոնյաներն ավելի վաղ զգուշացրել էին, որ ռուսական զորքերը կարող են ցամաքային հարձակում սկսել Խարկովի վրա այս ամառ, և ISW-ն շարունակում է հավատալ, որ ռուսները բավարար ուժեր չունեն քաղաքը գրավելու համար, քանի դեռ այն պաշտպանող զորքերը պատշաճ կերպով մատակարարված են:
Ուկրաինայում սպասում են ԱՄՆ-ից սպառազինությանն այն բանից հետո, ինչ Կոնգրեսը հավանություն է տվել 61 միլիարդ դոլարի օգնության փաթեթին։ Մինչ այդ, ISW-ն նշում է, որ Ռուսաստանն ուժեղացնում է իր օդային և տեղեկատվական գործողությունները Խարկովի բնակիչների դեմ՝ օգտվելով հակաօդային պաշտպանության համակարգերի բացակայությունից և Ուկրաինայում տագնապալի սպասումների ավելացումից։
