07.10.2026 | 12:28
Իսպանացի մրցավարը որակազրկվել է պատանեկան ԵԱ-ում հայ բռնցքամարտիկների մենամարտերում սխալ որոշումների համար
Արբանյակային լուսանկարները վկայում են Իսրայելի հարվածի հետևանքով իրանական ռադիոտեղորոշիչ համակարգերի վնասման մասին
Քաղաքականություն
23.04.2024 | 13:23
Երկուշաբթի արված արբանյակային լուսանկարները վկայում են այն մասին, որ Իսրայելի ակնհայտ պատասխան հարվածը Իրանի կենտրոնական Սպահան քաղաքին եղել է ռուսական արտադրության հակաօդային պաշտպանության ռադարային համակարգը, գրում է VOA-ն։
Սա հակասում է Թեհրանի պաշտոնյաների հայտարարություններին, թե հարձակման հետևանքով վնասներ չեն եղել:
Իսրայելի հարվածը, ըստ երևույթին, շատ սահմանափակ է եղել: Այնուամենայնիվ, S-300 ռադիոտեղորոշիչ համակարգի վրա հարձակումը շատ ավելի մեծ վնաս է հասցրել, քան ապրիլի 13-ին անօդաչու թռչող սարքերի և հրթիռների օգտագործմամբ Իրանի զանգվածային հարձակումն Իսրայելի վրա։
«Հարվածը ցույց տվեց իրանական հակաօդային պաշտպանություն ներթափանցելու՝ Իսրայելի կարողությունը։ Այդ հարվածի ճշգրտությունը միանգամայն ուշագրավ է եղել»,- ասել է Քարնեգի հիմնադրամի Միջուկային քաղաքականության ծրագրի աշխատակից Նիկոլ Գրաջևսկին։
Ի դեպ, շուտով լույս է տեսնելու Ռուսաստանի և Իրանի մասին Գրաջևսկիի գիրքը։
Արբանյակային լուսանկարներում, որոնք արվել են Planet Labs PBC ընկերության կողմից Թեհրանից մոտավորապես 320 կմ հարավ գտնվող Սպահանի օդանավակայանի ու երկակի նշանակության ավիաբազայի տարածքում, երևում է տարածքը, որը ծառայում է ՀՕՊ համակարգերի տեղակայման համար։
