11.08.2026 | 22:04
Օգոստոսի 15-ը ռիսկայի՞ն կլինի Եվրոպայի համար․ Բրյուսելն ու Մադրիդը զգուշացնում են Սեուտա անօրինական մուտք գործել ցանկացողներին
Մեծ Բրիտանիայի վարչապետը հայտարարել է Ուկրաինային օգնության ամենամեծ փաթեթի մասին. Guardian
Քաղաքականություն
23.04.2024 | 12:40
Մեծ Բրիտանիայի վարչապետ Ռիշի Սունակը հայտարարել է, որ մտադիր է Կիևին հատկացնել երկրի պատմության մեջ ամենամեծ օգնության փաթեթը, որը կազմում է 617 միլիոն դոլար։ Ի թիվս այլ բաների՝ Ուկրաինան կստանա 400 մեքենա, 1,6 հազար միավոր զենք և 4 միլիոն փամփուշտ, ինչպես նաև «Storm Shadow» օդ-ցամաք հրթիռներ, որոնց թռիչքի հեռահարությունը կազմում է մոտ 250 կմ, հայտնում է Guardian-ը։
Պարբերականը նշում է, որ օգնության նոր փաթեթի հետ միասին՝ 2024 թվականին Մեծ Բրիտանիայի կողմից Ուկրաինային հատկացված միջոցների ընդհանուր ծավալը կհասնի 3,7 միլիարդ դոլարի։
«Միացյալ Թագավորությունը միշտ կխաղա իր դերը եվրոպական անվտանգության առաջնագծում՝ պաշտպանելով մեր ազգային շահերը և աջակցելով ՆԱՏՕ-ի մեր դաշնակիցներին»,- ասել է Սունակը։
Նա Ուկրաինային տրամադրվող աջակցությունն անվանել է «կենսական նշանակություն ունեցող ամբողջ Եվրոպայի անվտանգության համար»։
