14.12.2025 | 10:10
Ահազանգեր են ստացվել տապալված ծառերի, սյուների, ինչպես նաև պոկված կառուցատարրերի վերաբերյալ․ ՆԳՆ
Մոսկվայի դատարանը մերժել է քննչական մեկուսարանից ազատ արձակել լրագրող Անտոնինա Ֆավորսկայային
Քաղաքականություն
22.04.2024 | 16:50
Մոսկվայի քաղաքային դատարանը մերժել է լրագրող Անտոնինա Ֆավորսկայայի ձերբակալության դեմ բողոքը, որը մեղադրվում է բանտում մահացած ռուս ընդդիմադիր գործիչ Ալեքսեյ Նավալնիի Կոռուպցիայի դեմ պայքարի հիմնադրամի (ՖԲԿ) գործունեությանը մասնակցելու համար։ Ռուսաստանի իշխանությունների կարծիքով՝ սա «ծայրահեղական համայնք» է: Այսպիսով, Ֆավորսկայան կալանքի տակ կմնա առնվազն մինչև մայիսի 28-ը, գրում է Մեդուզան։
Նիստն անցկացվել է դռնփակ, հրապարակային է եղել միայն որոշման ընթերցման հատվածը։ Լրագրողին աջակցելու էր գնացել շուրջ 30 մարդ, այդ թվում՝ Ալեքսեյ Նավալնիի մայրը։
Ֆավորսկայան լուսաբանել է Նավալնիի մասնակցությամբ դատավարությունները։ Փետրվարի 15-ին նա վերջին տեսանյութն է պատրաստել քաղաքական գործչի մասնակցությամբ։
Լրագրողը մեղադրվում է Կոռուպցիայի դեմ պայքարի հիմնադրամի համար նյութեր հավաքելու, տեսանյութեր և հրապարակումներ պատրաստելու և մոնտաժելու համար։ Հիմնադրամից, մինչդեռ, ընդգծել են, որ լրագրողը երբեք նյութեր չի հրապարակել հիմնադրամի կայքերում։
