03.05.2024 | 23:30
Ինչու Էրդողանի Սպիտակ տուն այցը հիմա տեղի չի ունենա. անդրադարձ
Ադրբեջանը մեր դաշնակիցն է, որի հետ ունենք բազմաթիվ ընդհանուր շահեր. Պեսկով
Քաղաքականություն
22.04.2024 | 14:57
ՌԴ նախագահի մամուլի քարտուղար Դմիտրի Պեսկովը հայտարարել է, որ Ադրբեջանը Ռուսաստանի մեծ բարեկամն է, գործընկերը և դաշնակիցը, փոխանցում է aif-ը։
«Ադրբեջանը մեր մեծ հարևանն է, բարեկամը, գործընկերը և դաշնակիցը։ Երկրները շատ ընդհանուր շահեր և համագործակցության ներուժ ունեն»,- ասել է Պեսկովը։
Նա հավելել է, որ թե՛ Ռուսաստանը, թե՛ Ադրբեջանը «քաղաքական կամք ունեն՝ շարունակելու զարգացնել երկկողմ հարաբերությունները»։
Հիշեցնենք, որ այսօր Ադրբեջանի նախագահ Իլհամ Ալիևն աշխատանքային այցով ժամանել է Մոսկվա՝ ՌԴ նախագահ Վլադիմիր Պուտինի հրավերով։ Ադրբեջանական լրատվամիջոցների հաղորդմամբ՝ Մոսկվայի «Վնուկովո-2» միջազգային օդանավակայանում Ալիևին դիմավորել են ՌԴ ԱԳ փոխնախարար Միխայիլ Գալուզինը, պաշտոնատար այլ անձինք։
Կրեմլի մամուլի ծառայության հաղորդմամբ՝ երկու երկրների ղեկավարները նախատեսում են քննարկել ռուս-ադրբեջանական ռազմավարական գործընկերության և դաշնակցային հարաբերությունների հետագա զարգացման հարցեր, մտքեր փոխանակել տարածաշրջանային խնդիրների շուրջ։
