24.02.2026 | 14:15
Հայտնի է դարձել՝ ինչ է Մեսին ասել մրցավարին․ ՏԵՍԱՆՅՈՒԹ
Լեհաստանի նախագահը հայտարարել է, որ Վարշավան պատրաստ է իր տարածքում ամերիկյան միջուկային զենք տեղակայել
Քաղաքականություն
22.04.2024 | 16:30
Լեհաստանը պատրաստ է միջուկային զենք տեղակայել իր տարածքում ՆԱՏՕ-ի Nuclear sharing ծրագրի շրջանակում, հայտարարել է երկրի նախագահ Անջեյ Դուդան Fakt-ին տված հարցազրույցում, փոխանցում է Meduza-ն։
«Եթե մեր դաշնակիցները որոշեն միջուկային զենք տեղակայել որպես համատեղ օգտագործման մաս նաև մեր տարածքում՝ ՆԱՏՕ-ի արևելյան թևի անվտանգությունն ամրապնդելու համար, մենք պատրաստ ենք դրան։ Մենք դաշնակից ենք Հյուսիսատլանտյան դաշինքում, և այս հարցում ունենք նաև պարտավորություններ։ Դա նշանակում է, որ մենք պարզապես ընդհանուր քաղաքականություն ենք վարում»,- ասել է Դուդան։
Նրա խոսքով՝ նման պատրաստակամությունը, մասնավորապես, բացատրվում է նրանով, որ Ռուսաստանը գնալով ավելի է ռազմականացնում Կալինինգրադի շրջանը, իսկ վերջերս իր միջուկային զենքը տեղափոխել է Բելառուս։
Կրեմլի խոսնակ Դմիտրի Պեսկովը, պատասխանելով Դուդայի հայտարարության վերաբերյալ լրագրողների հարցին, ասել է, որ ռուս զինվորականները կձեռնարկեն «բոլոր անհրաժեշտ փոխադարձ քայլերը՝ ՌԴ անվտանգությունը երաշխավորելու համար»։
