07.10.2026 | 15:51
Բաքուն արձագանքել է Գերմանիայի հետախուզության նախկին ղեկավարի՝ Ադրբեջանի հետ կապ ունենալու մասին լուրերին
Իսրայելի ռազմական հետախուզության ղեկավարը հրաժարական է տվել
Քաղաքականություն
22.04.2024 | 15:25
Իսրայելի պաշտպանության բանակի ռազմական հետախուզության վարչության ղեկավար Ահարոն Հալիվան հրաժարական է տվել, հայտնում է Reuters-ը՝ վկայակոչելով իսրայելցի զինվորականների՝ ապրիլի 22-ի առավոտյան տարածած հայտարարությունը։
Հալիվան 2023 թվականին ստանձնել է հոկտեմբերի 7-ին Իսրայելի վրա ՀԱՄԱՍ-ի ահաբեկչությունը կանխելու զինվորականների ձախողման պատասխանատվությունը:
«Մենք ձախողեցինք մեր ամենակարևոր առաքելությունը, և ես՝ որպես ռազմական հետախուզության ղեկավար, կրում եմ ձախողման ամբողջ պատասխանատվությունը»,- ասել է նա:
Հոկտեմբերի 7-ի ձախողման պատասխանատվությունն իր վրա է վերցրել նաև Իսրայելի անվտանգության գլխավոր ծառայության ղեկավար Ռոնեն Բարը։ Սպասվում է, որ նա կհեռանա պաշտոնից իսրայելա-պաղեստինյան հակամարտության ավարտից հետո։
ՀԱՄԱՍ-ի զինյալները 2023 թվականի հոկտեմբերի 7-ին հարձակվեցին Իսրայելի վրա՝ սպանելով 1200 մարդու, հիմնականում խաղաղ բնակիչների, ինչպես նաև գերեվարեցին շուրջ 240 իսրայելցու։ Ի պատասխան՝ Իսրայելի պաշտպանության ուժերը մարտեր սկսեցին Գազայի հատվածում։
ՀԱՄԱՍ-ի կողմից վերահսկվող առողջապահության նախարարության վերջին տվյալներով՝ Գազայի հատվածում պատերազմի ընթացքում արդեն ավելի քան 34 հազար մարդ է զոհվել։
