03.05.2024 | 23:30
Ինչու Էրդողանի Սպիտակ տուն այցը հիմա տեղի չի ունենա. անդրադարձ
Իրաքից մի քանի հրթիռ է արձակվել Սիրիայում ամերիկյան ռազմաբազայի ուղղությամբ
Քաղաքականություն
22.04.2024 | 16:10
Առնվազն հինգ հրթիռ է արձակվել իրաքյան Զումմար քաղաքից Սիրիայի հյուսիս-արևելքում գտնվող ամերիկյան ռազմաբազայի ուղղությամբ: Այս մասին Reuters-ին հայտնել են իրաքյան անվտանգության մարմիններում երկու աղբյուրները:
ԱՄՆ զորքերի վրա հարձակումն առաջինն է փետրվարի սկզբից ի վեր, երբ Իրաքում Իրանի կողմից աջակցվող խմբավորումները դադարեցրին հարձակումները տարածաշրջանում ամերիկյան զորքերի վրա:
Հարձակումը տեղի է ունեցել նույն օրը, երբ Իրաքի վարչապետ Մուհամեդ Շիա ալ-Սուդանին վերադարձել է ԱՄՆ-ից, որտեղ Սպիտակ տանը հանդիպել է նախագահ Ջո Բայդենի հետ:
Իրաքի անվտանգությունում երկու աղբյուրներ և բանակի բարձրաստիճան սպա ասել են, որ բեռնատարը, որի վրա տեղադրված է եղել հրթիռը, կայանված է եղել Սիրիայի սահմանամերձ Զումմար քաղաքում: Ռազմական ներկայացուցչի խոսքով՝ բեռնատարը բռնկվել է չարձակված հրթիռների պայթյունից, երբ երկնքում ռազմական ինքնաթիռներ են եղել։
Իրաքի անվտանգության ուժերը տեղակայվել են այդ տարածքում և սկսել հարձակվողների փնտրտուքը, որոնք փախել են մեկ այլ մեքենայով, հայտնել է Զումմար քաղաքում տեղակայված անվտանգության աշխատակիցը:
