06.04.2026 | 23:30
Հրդեհ Թաիրով բնակավայրում. այրվել է ավտոմեքենա
Ալիևն աշխատանքային այցով ժամանել է Մոսկվա՝ Պուտինի հետ բանակցությունների
Քաղաքականություն
22.04.2024 | 12:17
Ադրբեջանի նախագահ Իլհամ Ալիևն աշխատանքային այցով ժամանել է Մոսկվա՝ ՌԴ նախագահ Վլադիմիր Պուտինի հրավերով։ Ադրբեջանական լրատվամիջոցների հաղորդմամբ՝ Մոսկվայի «Վնուկովո-2» միջազգային օդանավակայանում Ալիևին դիմավորել են ՌԴ ԱԳ փոխնախարար Միխայիլ Գալուզինը, պաշտոնատար այլ անձինք։
Կրեմլի մամուլի ծառայության հաղորդմամբ՝ երկու երկրների ղեկավարները նախատեսում են քննարկել ռուս-ադրբեջանական ռազմավարական գործընկերության և դաշնակցային հարաբերությունների հետագա զարգացման հարցեր, մտքեր փոխանակել տարածաշրջանային խնդիրների շուրջ։
Նրանք նաև հանդիպելու են Բայկալ-Ամուր մայրուղու շինարարության վետերանների հետ։ Ճանապարհի շինարարությունը ղեկավարել է Իլհամ Ալիևի հայրը՝ Ադրբեջանի նախկին նախագահ Հեյդար Ալիևը ԽՍՀՄ Նախարարների խորհրդում աշխատելու տարիներին։
Հավելենք, որ Պուտին-Ալիև հանդիպումը տեղի է ունենում Արցախից ռուս խաղաղապահների դուրսբերման գործընթացի ֆոնին։
