09.03.2026 | 23:38
Պուտինն ու Թրամփը հեռախոսազրույց են ունեցել
ԱՄՆ-ը պատրաստ է մինչև շաբաթվա վերջ ATACMS հրթիռներ մատակարարել Կիևին
Քաղաքականություն
22.04.2024 | 11:08
Ուկրաինան կարող է ԱՄՆ-ից ստանալ զենքի նոր խմբաքանակ մինչև այս շաբաթվա վերջ, CBS հեռուստաալիքի եթերում հայտարարել է ԱՄՆ Սենատի հետախուզության կոմիտեի ղեկավար Մարկ Ուորները։ Օգնության փաթեթը, ի թիվս այլ զինատեսակների, ներառում է հեռահար ATACMS հրթիռներ, որոնք կարող են խոցել թիրախները մինչև 300 կիլոմետր հեռավորության վրա: Զենքերը կառաքվեն հենց ԱՄՆ նախագահ Ջո Բայդենը ստորագրի օրինագիծը, հավելել է Ուորները։
Ամերիկյան Atlantic Council վերլուծական կենտրոնի հետազոտող Փիթեր Դիկինսոնը նշում է, որ ATACMS հրթիռները Ուկրաինային թույլ կտան թիրախներ խոցել Ռուսաստանի կողմից օկուպացված բոլոր շրջաններում, փոխանցում է DW-ի ռուսական ծառայությունը։
Ըստ վերլուծաբանների՝ ATACMS-ը հատկապես արդյունավետ է այնպիսի թիրախների դեմ, ինչպիսիք են օդանավակայններում գտնվող օդանավերը, ՀՕՊ համակարգերը, նավթավերամշակման գործարանները և բեռնատար մեքենաներով լոգիստիկ կենտրոնները:
Կիևի կողմից հեռահար հրթիռների նոր խմբաքանակ ստանալը կարող է ստիպել ՌԴ հրամանատարությանը ռազմակայաններն ու հրամանատարական կետերը հեռացնել առաջնագծից, ինչը, իր հերթին, կթուլացնի գրավված տարածքների պաշտպանությունը։
