03.06.2026 | 00:40
Փաշինյանը Էրդողանի հետ քննարկել է Ախալքալաք–Կարս երկաթուղով Հայաստանից արտահանումների հարցը
Իսրայելում բողոքի ցույցեր են՝ ընդդեմ Նեթանյահուի կառավարության
Քաղաքականություն
21.04.2024 | 16:07
Թել Ավիվում, Երուսաղեմում, Հայֆայում և Իսրայելի մի շարք այլ վայրերում բողոքի ցույցեր են անցկացվում նոր ընտրությունների և ՀԱՄԱՍ-ի պատանդներին ազատ արձակելու պահանջով։ Այս մասին գրում է Times of Israel-ը։
Հակակառավարական ցույցերից մեկն անցկացվում է Կեսարիայում՝ հյուսիսային ծովափնյա քաղաքում, որտեղ տուն ունի վարչապետ Բենիամին Նեթանյահուն։
Ըստ Middle East Eye-ի՝ հարցումները ցույց են տալիս, որ իսրայելցիների մեծ մասը մեղադրում է Նեթանյահուին անվտանգության ձախողումների համար, որոնք հանգեցրին հոկտեմբերի 7-ին Իսրայելի հարավում գտնվող համայնքների վրա ՀԱՄԱՍ-ի գրոհայինների ավերիչ հարձակմանը:
Իսրայելի ամենաերկար պաշտոնավարած վարչապետը բազմիցս բացառել է վաղաժամկետ ընտրությունների հնարավորությունը՝ պատճառաբանելով, որ պատերազմի կեսին ընտրությունների գնալը ՀԱՄԱՍ-ի համար պարգև կլինի։
