04.08.2026 | 23:08
Հաշտարարների պալատի կրթական ծրագիրը ստացել է պետական երաշխավորում
Մարմնամարզիկ Վահագն Դավթյանը նվաճեց Փարիզի ամառային Օլիմպիական խաղերի ուղեգիր
19.04.2024 | 20:37
Հայաստանի մարմնամարզության հավաքականի անդամները շարունակում են պայքարը աշխարհի գավաթի խաղարկության վերջին փուլում:
«Արմենպրես»-ի հաղորդմամբ` Դոհայում ընթացող աշխարհի գավաթի խաղարկության օղակների վարժությունում Վահագն Դավթյանը հավաքեց 14.833 միավոր, նա զբաղեցրեց առաջին հորիզոնականը և նվաճեց Փարիզի 33-րդ ամառային Օլիմպիական խաղերի ուղեգիր:
Այս ձևում Արթուր Ավետիսյանը 5-րդն է:
Հայաստանի ընտրանու անդամ Հարություն Մերդինյանը նժույգ-թափերի վարժության եզրափակիչում զբաղեցրեց միայն 6-րդ տեղը:
Ապրիլի 20-ին եզրափակիչում կմրցի նաև աշխարհի, Եվրոպայի չեմպիոն, Օլիմպիական խաղերի բրոնզե մեդալակիր Արթուր Դավթյանը:
