02.05.2024 | 19:14
Սևան-Իջևան-Հայաստանի սահման ավտոճանապարհին արագաչափ է տեղադրվել
G7-ն Ուկրաինային օգնություն է խոստանում հակաօդային պաշտպանության հարցում
Քաղաքականություն
19.04.2024 | 20:51
«Մեծ յոթնյակի» երկրները խոստանում են ավելացնել Ուկրաինային օգնությունը՝ ռուսական օդային հարվածներին դիմակայելու համար, փոխանցում է DW-ի ռուսական ծառայությունը։
«Մենք հավատարիմ ենք Ուկրաինայի հակաօդային պաշտպանության կարողությունների հզորացմանը՝ կյանքեր փրկելու և կարևոր ենթակառուցվածքները պաշտպանելու համար»,- ասվում է G7-ի արտգործնախարարների հանդիպումից հետո ընդունված հռչակագրում։
Հանդիպման մասնակիցները, սակայն, ոչ մի կոնկրետ նոր պարտավորություն չեն ընդունել։
Միաժամանակ, G7-ը կրկին Մոսկվայից պահանջել է անհապաղ դադարեցնել իր ագրեսիվ պատերազմը հարևան երկրի դեմ։
«Ռուսաստանը պետք է դուրս բերի իր բոլոր զինված ուժերն անհապաղ, ամբողջությամբ և անվերապահորեն»,- ասվում է հռչակագրում։
Իտալական Կապրի կղզում արտգործնախարարների երկօրյա հանդիպման ժամանակ ՆԱՏՕ-ի գլխավոր քարտուղար Յենս Ստոլտենբերգը, Գերմանիայի արտաքին գործերի նախարար Աննալենա Բերբոքը և եվրոպական դիվանագիտության ղեկավար Ժոզեպ Բորելը հորդորել են գործընկերներին, առաջին հերթին՝ ԱՄՆ-ին, ԵՄ-ին, Ֆրանսիային և G7-ի նախագահությունը ստանձնած Իտալիային, հակաօդային պաշտպանության լրացուցիչ համակարգեր տրամադրել Ուկրաինային։
