14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Կառավարությունը փոխեց Սևանա լճից հավելյալ ջրառի չափը․ ՏԵՍԱՆՅՈՒԹ
Տնտեսություն
23.08.2018 | 12:06
Կառավարության այսօրվա նիստում գործադիրը հավանություն տվեց «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» ՀՀ օրենքի նախագծին։
Ըստ նախագծի՝ անհրաժեշտ է փոխել օրենքով սահմանված ոռոգման նպատակով լճից 2018 թվականի բացթողման 170 մլն մ3 չափաքանակը՝ այն դարձնելով մինչև 210 մլն մ3-ի։
Վարչապետը նշեց, որ այս հարցի վերաբերյալ Կառավարությունում քննարկումներ են տեղի ունեցել, և քննարկման մասնակիցների մի մասը պնդում էր, որ ոռոգման կարիքները հնարավոր է բավարարել առանց հավելյալ ջրառի, իսկ մյուս մասը պնդում էր, որ առանց դրա անհնար է։
Վարչապետը նշեց, որ քննարկումներից հետո եկել են եզրակացության, որ պետք է ստեղծել օպերատիվ խումբ, որն անգամ օրենքի ընդունումից հետո կփորձի խնդիրները կառավարել այնպես, որ եթե կա գործնական հնարավորություն առանց հավելյալ ջրառի իրականացնել գյուղատնտեսական աշխատանքները, ապա պետք է այդպես անել։
Բնապահպանության նախարարն էլ կոչ արեց ջրի կառավարման հարցը, որը տարածաշրջանում ամեն տարի դառնում է կրիտիկական, դիտարկել կոմպլեքսի մեջ և, օրինակ, հասկանալ, թե կառուցված Որոտանի ՀԷԿ-ն ինչո՞ւ կառուցվելուց հետո չի աշխատել։
Մանրամասները տեսանյութում։
