24.02.2026 | 18:06
Դատարան է հանձնվել Սեյրան Օհանյանի կնոջ՝ Ռուզան Խաչատրյանի վերաբերյալ քրեական վարույթի նյութերը
Լեհաստանում երկու կասկածյալ է ձերբակալվել Վիլնյուսում Նավալնիի համախոհ Լեոնիդ Վոլկովի վրա հարձակման գործով
Քաղաքականություն
19.04.2024 | 13:46
Լեհաստանում երկու մարդ է ձերբակալվել, որոնք կասկածվում են Վիլնյուսում Ալեքսեյ Նավալնիի գրասենյակի նախկին ղեկավար Լեոնիդ Վոլկովի վրա հարձակվելու մեջ։ Այս մասին հայտնել է Լիտվայի նախագահ Գիտանաս Նաուսեդան, գրում է Մեդուզան։
«Շնորհակալ եմ Լեհաստանին կատարած հիանալի աշխատանքի համար։ Ես դա քննարկել եմ Լեհաստանի նախագահի հետ և շնորհակալություն հայտնել գերազանց համագործակցության համար»,- ասել է Նաուսեդան։
Նրա խոսքով՝ կասկածյալները գործի ավարտից կարճ ժամանակ անց կտեղափոխվեն Լիտվա։ Նա չի բացահայտել ձերբակալվածների ինքնությունը։
Ինքը՝ Վոլկովը, գրել է, որ կալանքի այլ մանրամասներ դեռևս չգիտի։
«Բայց ես կարող եմ ասել՝ տեսա, թե որքան եռանդով և համառորեն էր Լիտվայի ոստիկանությունը վերջին մեկ ամսվա ընթացքում աշխատել այս գործով, և ես շատ ուրախ եմ, որ այդ աշխատանքն արդյունավետ էր»,- հավելել է նա:
Լեոնիդ Վոլկովը հարձակման էր ենթարկվել մարտի 12-ի երեկոյան Վիլնյուսում՝ իր տան մոտ։ Երբ նա մեքենայով մոտեցել է տանը, նրա վրա մուրճով հարձակվել է մի տղամարդ, կոտրել մեքենայի ապակին, արցունքաբեր գազ ցողել Վոլկովի աչքերին և սկսել մուրճով հարվածել նրան։ Հարձակումից հետո Վոլկովը հոսպիտալացվել է, նրա մոտ ախտորոշվել է ձեռքի կոտրվածք։
Ինքը՝ Վոլկովը, իր վրա կատարված հարձակումն անվանել է «գանգստերական ողջույններ Սանկտ Պետերբուրգից»։
