11.12.2024 | 18:32
Մխիթար Հայրապետյանը ուղղորդե՞լ է Հակոբ Ասլանյանին «մեղայականով» հանդես գալ․ պատգամավորն ուշագրավ սքրինշոթեր է հրապարակել
ՀՀ առողջապահության նախարար Արսեն Թորոսյանը աշխատանքային այցով Արագածոտնում էր
Տնտեսություն
23.08.2018 | 10:46
ՀՀ առողջապահության նախարար Արսեն Թորոսյանը և Արագածոտնի մարզպետ Աշոտ Սիմոնյանը աշխատանքային հանդիպումներ են ունեցել Արագածոտնի մարզի մի շարք բուժհաստատություններում. տեղեկացնում է նախարարության լրատվական ծառայությունը:
Մասնավորապես, այցելություն է կատարվել Աշտարակի, Ապարանի, Թալինի, Ծաղկահովիտի, Արտենիի և Արագածի բուժհաստատություններ: Նախարար Թորոսյանը շրջայց է կատարել մասնաշենքերում, հիվանդասենյակներում, ծանոթացել բաժանմունքներում առկա խնդիրներին: Քննարկվել են բժշկական կենտրոնների վերազինման և վերանորոգման համար անհրաժեշտ միջոցների ներգրավման հնարավորությունները։
Արձանագրվել է, որ Ծաղկահովիտի ԱԿ-ն կարիք ունի կապիտալ վերանորոգման, վերազինման և օպտիմալացման։ Նախարարը համայնքապետի և մարզպետի հետ քննարկել է համայնքի մասնակցության հարցը այդ աշխատանքներում, ինչին և ստացվել է համայնքապետի նախնական համաձայնությունը:
Ապարանի ԲԿ-ն ամբողջովին համապատասխանում է մարզային բուժհիմնարկի պահանջներին և կապիտալ վերանորոգվել և վերազինվել է 2011թ.:
Արագածի ԱԿ-ն տանիքի վերանորոգման և օպտիմալացման կարիք ունի։ Մարզային իշխանությունների հետ առաջիկայում առավել առարկայական կքննարկվեն այդ խնդիրների լուծման ուղիները։
Աշտարակի ԲԿ-ն անհրաժեշտ է կապիտալ վերանորոգել և վերազինել: ԲԿ տնտեսված միջոցներով վերջերս կատարվել են և շարունակվում են կոսմետիկ վերանորոգման աշխատանքներ։
Առաջնահերթորեն նախատեսվում է Թալինի բժշկական կենտրոնի պատուհանները փոխարինել նորերով և վերանորոգել ծննդօգնության բաժանմունքը:
Մյուս բժշկական կենտրոններում առկա հրատապ լուծում պահանջող խնդիրները հաշվառվել են` առաջիկայում լուծում տալու:
Այցի ավարտին Արսեն Թորոսյանը մարզպետի հետ հանդիպում է ունեցել մարզի բոլոր բուժհաստատությունների տնօրենների հետ, որի ընթացքում նախարարը ներկայացրել է ընթացիկ ծրագրերը, պատասխանել ներկաների հարցերին։ Ընդգծվել է, որ մարզային իշխանությունների հետ ինտենսիվ աշխատանքը կշարունակվի։
