07.10.2026 | 13:32
Դելին ու Երևանը քննարկում են Հայաստանում Pinaka Mk-II-ի արտադրության և հավաքման հնարավորությունը․ հնդկական ԶԼՄ
Իրանը չի ծրագրում անհապաղ արձագանքել իր տարածքում հարձակմանը
Քաղաքականություն
19.04.2024 | 11:52
Իրանը չի պատրաստվում անմիջապես պատասխանել իր տարածքում հարձակմանը: Այս մասին գրում է The Times of Israel-ը՝ վկայակոչելով իրանցի բարձրաստիճան պաշտոնյայի, որի անունը չի նշվում։
«Օտարերկրյա հարձակման մասին հաստատում չի եղել։ Մենք արտաքին հարձակման չենք ենթարկվել, և քննարկումներում ավելի շատ հակված են, որ խոսքն ավելի շուտ ներթափանցման մասին է, քան հարձակման»,- անանուն աղբյուրի խոսքերն է մեջբերում գործակալությունը։
Իրանցի պաշտոնյաները հայտնել են, որ հակաօդային պաշտպանությունը մի քանի ժամ առաջ խոցել է երեք անօդաչու թռչող սարք՝ գործարկելով օդային տագնապի ազդանշանը:
Ավելի վաղ CBS News-ը և ABC News-ը, վկայակոչելով ամերիկացի պաշտոնյաներին, հայտնել էին, որ Իսրայելը հրթիռներ է արձակել Իրանի ուղղությամբ։ Իրանական կողմը, մինչդեռ, հայտարարել է, որ Իրանի վրա արտաքին հարձակում ընդհանրապես չի եղել։ Սպիտակ տունն ու Պենտագոնն այս լուրերը չեն մեկնաբանել։
«Մենք այս պահին մեկնաբանություն չունենք»,- իր հերթին AFP-ին ասել է իսրայելական բանակի ներկայացուցիչը:
Հիշեցնենք, որ Իսրայելն ավելի վաղ նախազգուշացրել էր, որ կարող է հակահարված տալ Իրանին այն բանից հետո, երբ Իրանը անցած շաբաթվա վերջին հարյուրավոր հրթիռներ և անօդաչու թռչող սարքեր արձակեց Իսրայելի քաղաքների ուղղությամբ:
