24.06.2026 | 15:19
Ֆրանսիայում Էբոլայով վարակման առաջին դեպքն է հաստատվել
Ստավրոպոլի մարզում ռուսական Տու-22Մ3 ռմբակոծիչ է կործանվել
Քաղաքականություն
19.04.2024 | 12:09
Ստավրոպոլի երկրամասում՝ Կրասնոգվարդեյսկի շրջանի տարածքում, կործանվել է ռուսական Տու-22Մ3 հրթիռակիր-ռմբակոծիչ։ Ըստ ՌԴ ՊՆ-ի՝ դա տեղի է ունեցել մարտական առաջադրանքը կատարելուց հետո՝ բազավորման օդանավակայան վերադառնալիս, գրում է Current Time-ը։
Գերատեսչության տվյալներով՝ օդաչուները կատապուլտվել են, նրանցից երեքին արդեն գտել են, ևս մեկի որոնողական աշխատանքները շարունակվում են։ ՊՆ-ի տվյալներով՝ ինքնաթիռում զինամթերք չի եղել։ Կործանման վայրում ավերածություններ չկան։
Նախնական տվյալներով՝ վթարի պատճառը եղել է տեխնիկական անսարքությունը։
Ուկրաինան ստանձնել է ինքնաթիռի կործանման պատասխանատվությունը։ ՌԲԿ-Ուկրաինան, հղում անելով ուկրաինական բանակում իր աղբյուրին, գրում է, որ դա եղել է ՊՆ գլխավոր հետախուզական վարչության օպերացիան։ Պարբերականի զրուցակիցը պնդում է, որ սա առաջին ռազմավարական ինքնաթիռն է, որն «Ուկրաինան կարողացել է ոչնչացնել թռիչքի ժամանակ»։ Ըստ աղբյուրի՝ ռմբակոծիչը հարվածներ է հասցրել Ուկրաինային։
