12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Ես կպայքարեմ Պուտինի դեմ. Յուլիա Նավալնայա
Քաղաքականություն
18.04.2024 | 18:41
Ռուսաստանի նախագահ Վլադիմիր Պուտինը պետք է «վախենա» այն մարդկանցից, ովքեր հիշում են ընդդիմադիր առաջնորդ Ալեքսեյ Նավալնիին և նրա սիրելիների հետ կիսում են «զայրույթը, ցավը, վիշտը մեր կորցրածի համար, ինչպես նաև նորմալ, ժողովրդավարական երկրում ապրելու հույսն ու ցանկությունը»։
«Ես կանեմ այն, ինչ ճիշտ է։ Ես կպայքարեմ Պուտինի դեմ։ Պուտինն իմ թշնամին է։ Նա սպանեց ամուսնուս։ Նա վախկոտ կերպով սպանեց նրան, երբ նա արդեն բանտում էր։ Սա ապացուցում է նրա վախկոտությունը»,- Time-ին տված հարցազրույցում հայտարարել է ռուսական գաղութում մահացած ընդդիմադիր Ալեքսեյ Նավալնիի կինը՝ Յուլիա Նավալնայան։
Սա Յուլիա Նավալնայայի առաջին հարցազրույցն է ամուսնու մահից հետո։
Նավալնայան հաստատել է, որ տեղյակ է եղել Ալեքսեյ Նավալնիի փոխանակման բանակցությունների մասին, սակայն հրաժարվել է մանրամասնել՝ պատճառաբանելով այն փաստը, որ ինքը «խորասուզված չի եղել» այդ բանակցություններում։ Մյունխենի անվտանգության համաժողովում, որին նա մասնակցում էր, երբ հայտնի դարձավ Ալեքսեյ Նավալնիի մահվան մասին, «հատուկ բանակցություններ» չեն վարվել նրա հնարավոր փոխանակման շուրջ, պարզաբանել է ընդդիմադրի այրին։
Մեկնաբանելով ամուսնու աշխատանքը շարունակելու իր որոշումը՝ Յուլիա Նավալնայան, որը, մի շարք դիտորդների կարծիքով, հնարավորություն ունի դառնալու արտասահմանում ՌԴ ընդդիմության նոր առաջնորդը, խոստովանել է, որ չի մտածել՝ արդյո՞ք Ալեքսեյը հավանություն կտար իր այս որոշմանը։
«Ես չեմ ուզում մտածել այդ մասին։ Մենք դա չենք քննարկել։ Ես պարզապես մտածեցի, որ չի կարելի այդպես թողնել։ Եթե նրանք կարծում են, որ կարող են սպանել Ալեքսեյին և դրանով ամեն ինչ կավարտվի, ապա սխալվում են»,- հայտարարել է նա:
