Գերմանիայում երկու անձ է կալանավորվել՝ ՌԴ-ի հրահանգով ռազմական օբյեկտներում դիվերսիա նախապատրաստելու կասկածանքով

Գերմանիայում երկու տղամարդու են կալանավորել, որոնք կասկածվում են ռուսական գաղտնի ծառայության հանձնարարությամբ դիվերսիոն գործողություն ծրագրելու մեջ։ Այս մասին հայտնում է գերմանական Der Spiegel-ը, որին վկայակոչում է BBC-ի ռուսական ծառայությունը։

Նշվում է, որ նրանք կասկածվում են դիվերսիա նախապատրաստելու մեջ, այդ թվում՝ ամերիկյան ռազմական օբյեկտներում՝ Ուկրաինային աջակցությունը խաթարելու նպատակով: Ձերբակալություններն իրականացվել են չորեքշաբթի առավոտյան ոստիկանության հատուկ ջոկատայինների կողմից Բայրոյթ քաղաքում (Բավարիա):

Ըստ Der Spiegel-ը՝ գլխավոր կասկածյալը Բավարիայից 39-ամյա Դիտեր Ս.-ն է, որին պարբերականը ռուս գերմանացի է անվանում։ Tagesshau-ն գրում է, որ նա ունի Գերմանիայի և Ռուսաստանի քաղաքացիություն և գրավել է անվտանգության մարմինների ուշադրությունը, քանի որ, իբր, ուկրաինական ճակատում կռվել է Դոնեցկի ստորաբաժանումների կազմում 2014-ից 2016 թվականներին:

Դաշնային դատախազները նրան մեղադրում են նաև որպես գաղտնի ծառայության գործակալ հանդես գալու մեջ։

Քննիչները համոզված են, որ Դիտեր Ս.-ն 2023 թվականի հոկտեմբերից Գերմանիայում դիվերսիոն գործողությունների մասին մտքեր է փոխանակել ռուսական հատուկ ծառայությունների հետ։ Հաղորդվում է, որ նա համաձայնել է հրկիզումներ և պայթյուններ իրականացնել ռազմական ենթակառուցվածքներում, զենքի գործարաններում և արդյունաբերական օբյեկտներում:

Ալեքսանդր անունով մեկ այլ մեղադրյալ, ըստ հրապարակման, օգնել է նրան 2024 թվականի մարտից։

Der Spiegel-ը գրում է, որ այդ վայրերը ներառել են Բավարիայում գտնվող Գրաֆյոնվեր բազան, որտեղ ուկրաինացի զինվորականներն ուսուցում են անցնում ամերիկյան Abrams տանկեր օգտագործելու համար:

Բեռլինում Ռուսաստանի դեսպանատունը դեռևս չի մեկնաբանել կալանավորումներն և մեղադրանքները։