01.05.2024 | 23:43
Կիրանցում ունենք սահմանազատման ենթակա 11 կետ. Նիկոլ Փաշինյան. ՏԵՍԱՆՅՈՒԹ
ԱՄՆ-ը պատրաստ է «հետագա քայլեր» ձեռնարկել Չինաստանի դեմ, եթե Պեկինն օգնի ՌԴ-ին Ուկրաինայի պատերազմում
Քաղաքականություն
18.04.2024 | 15:59
Միացյալ Նահանգները նախազգուշացրել է Չինաստանին՝ զերծ մնալ ուկրաինական պատերազմում Ռուսաստանին օգնելուց՝ հայտարարելով, որ «անհրաժեշտության դեպքում պատրաստ է հետագա քայլեր ձեռնարկել»,- գրում է VOA-ն։
«Մենք կարծում ենք, որ Չինաստանն աջակցում է Ռուսաստանի ռազմական ջանքերին՝ օգնելով նրան ընդլայնել իր պաշտպանական արտադրությունը։ Մասնավորապես, Չինաստանը Ռուսաստանին մատակարարում է զգալի քանակությամբ հաստոցներ, միկրոէլեկտրոնիկա, օպտիկա, անօդաչու թռչող սարքեր, թևավոր հրթիռների արտադրության համար անհրաժեշտ տեխնոլոգիաներ, ինչպես նաև նիտրոցելյուլոզա, որը Ռուսաստանն օգտագործում է զենքի վառելիք արտադրելու համար»,- ասել է Պետքարտուղարության փոխխոսնակ Վեդանտ Պատելը:
Ըստ նրա՝ Միացյալ Նահանգները կարծում է, որ այդ նյութերը «լրացնում են ռուսական պաշտպանական արտադրության ցիկլի կարևոր բացերը» և օգնում են վերակենդանացնել ռուսական ռազմարդյունաբերական համալիրը։
«Չինաստանն իր աջակցությամբ ակտիվորեն նպաստում է Ռուսաստանի պատերազմին Ուկրաինայում, և դա էական վտանգ է ներկայացնում Եվրոպայի անվտանգության համար։ Մենք պատժամիջոցներ ենք սահմանել Չինաստանում համապատասխան ընկերությունների դեմ և պատրաստ ենք, անհրաժեշտության դեպքում, հետագա քայլեր ձեռնարկել»,- հավելել է նա։
