14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Աղակալած հողերի վերականգնման համար ոռոգման ջուրը կհատկացվի անվճար
Տնտեսություն
18.04.2024 | 11:33
Կառավարությունն այսօր որոշում ընդունեց, որով աղակալված հողերի վերականգնման համար ոռոգմանը ջուրը գյուղացիներին կտրամադրվի անվճար։
Որոշման նախագծում նշվում է, որ «Ջրառ» ընկերությանը լիազոր մարմնի կողմից տրված ջրօգտագործման թույլտվությամբ` մինչև 2024 թվականի մայիսի 1-ն ընկած ժամանակահատվածը, ոռոգելի աղակալված հողերի լվացման և խոնավալիցք հաղորդելու նպատակով, բացառապես ինքնահոս եղանակով հաշվառված և ոչ ջրամբարներից բաց թողնված ոռոգման ջուրը հողօգտագործողներին պետք է մատակարարվի անհատույց:
ՀՀ կառավարության «2024 թվականի գարնանը ոռոգելի աղակալված հողերի լվացման և խոնավալիցք հաղորդելու, ինչպես նաև ջրօգտագործողներին անհատույց ոռոգման ջուր մատակարարելու մասին» որոշման նախագծի ընդունումը հնարավորություն կընձեռի ջրօգտագործողների 90 հազար հա հողատարածություններին, որից շուրջ 50 հազար հա Արարատի և Արմավիրի մարզերում, ոռոգման ջուրը մատակարարել անհատույց:
ՋՕ ընկերություններին առաջարկվում է բացառությամբ մեխանիկական եղանակով մատակարարվող ջրի մինչև10 հա հողատարածք ունեցող ջրօգտագործողներին ոռոգման ջուրը հատկացնել անվճար։
