15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Թբիլիսիում ցուցարարները պահանջել են հանդիպում վարչապետի հետ
Քաղաքականություն
18.04.2024 | 10:50
«Այո՛ Եվրոպային, ո՛չ ռուսական օրենքներին»․ սա դարձել է Վրաստանում «Օտարերկրյա ազդեցության թափանցիկության մասին» օրինագծի դեմ բողոքի ցույցերի հիմնական կարգախոսը, գրում է BBC-ի ռուսական ծառայությունը։
Չորեքշաբթի օրն օրինագիծն առաջին ընթերցմամբ ընդունելուց հետո բողոքի ակցիան ավելի մարդաշատ է եղել, քան նախորդ օրերին։
«Ռուսաստանի օրենքի ընդունման դեմ արդարացի բողոքի երրորդ գիշերն է․մի կողմից Վրաստանի ժողովուրդն է, մյուս կողմից՝ 83 պատգամավոր, որոնք դեմ են քվեարկել մեր եվրոպական ապագային։ Ժողովուրդը միշտ հաղթում է»,- գրել է Վրաստանի նախագահ Սալոմե Զուրաբիշվիլին «X» սոցիալական ցանցում։
Խորհրդարանի մոտ հանրահավաքը շարունակվել է չորեքշաբթի մինչև ուշ գիշեր։ Բողոքի ակցիայի կազմակերպիչները վերջնագիր են ներկայացրել իշխանություններին՝ քաղաքական հայտարարություն անել օրինագծի հետկանչման մասին, որը նրանք անվանում են «ռուսական օրենք»։ Վերջնագրի ժամկետը լրանալուց հետո ցուցարարներից մի քանիսը, կազմակերպիչների կոչով, Ռուսթավելի պողոտայից շարժվել են դեպի կառավարության շենք՝ պահանջելով հանդիպում վարչապետ Իրակլի Կոբախիձեի հետ։ Այստեղ իրավիճակը սրվել է, ոստիկանները ուժ են կիրառել ցուցարարների նկատմամբ: Հատուկ ջոկատայինների կողմից վիրավորվածների թվում եղել են երեք լրագրողներ։ Mtavari հեռուստաալիքի տարածած կադրերում երևում է, թե ինչպես են ոստիկանները ընդդիմադիր պատգամավոր Ալեկո Էլիսաշվիլիին բռնի ուժով նստեցնում ոստիկանական մեքենան և հեռանում:
Ներքին գործերի նախարարությունը հայտարարել է վարչական իրավախախտումների համար երկու անձի բերման ենթարկելու մասին։ Գերատեսչության տվյալներով՝ բերման ենթարկվածներից մեկից առգրավվել է սառը զենք։
