14.01.2026 | 22:56
Եթե այստեղ հասել ենք, կարող ենք մեծ հաջողություններ ունենալ․ ԿԳՄՍ նախարարը՝ ֆուտզալի Հայաստանի հավաքականին
Ֆրանսիայի առաջին տիկնոջ մասին սերիալ կնկարահանվի
Քաղաքականություն
17.04.2024 | 23:19
Gaumont ընկերությունը նախատեսում է հեռուստասերիալ նկարահանել Ֆրանսիայի առաջին տիկին Բրիժիթ Մակրոնի կյանքի մասին, գրում է Le Parisien-ը։
Հայտնի է, որ Brigitte, une femme libre (Բրիջիտ, ազատ կին) կոչվող սերիալը բաղկացած է լինելու 45 րոպեանոց 6 դրվագներից։
Ինչ վերաբերում է սյուժեին, այն դեռևս բացահայտված չէ։ Սակայն, ըստ սցենարիստներից մեկի, սերիալը կսկսվի զույգի առաջին հանդիպումից։ Ֆրանսիայի առաջին տիկինը առաջին անգամ իր ապագա ամուսնուն հանդիպել է, երբ ուսուցչուհի է եղել նրա դպրոցում։ Զույգն ամուսնացել է 2007 թվականին, երբ Էմանուելը 29 տարեկան էր, իսկ նրա ուսուցիչը՝ արդեն 54։
Բրիժիթը շարունակել է դասավանդել, սակայն 2015 թվականին հեռացել է աշխատանքից, երբ ամուսինը մտել է քաղաքականություն և երկու տարի անց ընտրվել նախագահ:
Դերասանական կազմը նույնպես դեռ հայտնի չէ, սակայն սցենարը գրելու են Բենեդիկտ Շառլը և Օլիվիե Պուպոնոն։
«Բրիժիթ Մակրոնը գրավիչ է որպես կերպար և հաշվի առնելով նրա ճակատագրի նման սիրավեպը՝ մենք, անշուշտ, ցանկանում ենք բացահայտել նրա կերպարը ռոմանտիկ, ավելի շուտ՝ նույնիսկ մելոդրամատիկ ձևով»,- նշում է Բենեդիկտ Շառլը:
