23.06.2026 | 11:45
Ծեծկռտուք ավագանու նիստում․ ՏԵՍԱՆՅՈՒԹ
Հայաստանի տնտեսությունում շատ պոզիտիվ փոփոխություններ են տեղի ունենում. վարչապետ
Քաղաքականություն
22.08.2018 | 21:19
Վարչապետ Նիկոլ Փաշինյանն այսօր ֆեյսբուքյան ուղիղ եթերի ժամանակ անդրադարձել է Հայաստանի տնտեսությունում տեղի ունեցող դրական փոփոխություններին և նշել, որ տնտեսական ակտիվության ցուցանիշները կաճեն:
Ըստ Փաշինյանի՝ այս տարվա հունիսին գրանցվել է տնտեսական ակտիվության ցուցանիշի 9,6 տոկոս աճ, իսկ հուլիսին՝ 11,1 տոկոսանոց աճ:
«Հայաստանի տնտեսությունում շատ պոզիտիվ փոփոխություններ են տեղի ունենում, մասնավորապես, հունիսին մենք ունեինք 9.6 տոկոս տնտեսական ակտիվության ցուցանիշ, և հուսով էի, որ հետագայում ակտիվությունն ավելի կմեծանա: Հուլիսին արդեն ունենք 11.1 տոկոս տնտեսական ակտիվության ցուցանիշ»,-ասաց Նիկոլ Փաշինյանը:
Վարչապետը սա հեղափոխությունների պատմության մեջ բացառիկ երևույթ որակեց և շեշտեց.
«Անկախ իրենց բնույթից, հեղափոխություններից հետո որոշակի տնտեսական անկում է արձանագրվում, որովհետև հսկայական փոփոխություններ են տեղի ունենում, այդ երևույթը մայիսին որոշակիորեն ունեինք, ինչը անհանգստացնում էր նաև մեզ, բայց շատ լավ է և կարևոր է, որ հունիսին և հուլիսին մենք երկնիշին մոտիկ և արդեն երկնիշ տնտեսական ակտիվության ցուցանիշ գրանցեցինք»,-ընդգծեց Փաշինյանը:
