23.11.2024 | 19:17
Երևանի և Կոտայքի մարզի մի շարք հասցեներում 24 ժամ ջուր չի լինի
Իրանը լիովին պատրաստ է պաշտպանության, ագրեսիային արձագանքելուն․ բանակի հրամանատար
Քաղաքականություն
17.04.2024 | 17:52
Իրանի զինված ուժերը գտնվում են պաշտպանության լիարժեք պատրաստվածության վիճակում։ Այս մասին հայտարարել է բանակի հրամանատար Աբդոլրահիմ Մուսավին՝ «զգուշացնելով թշնամիներին, որ ագրեսիայի ամենափոքր գործողությունը կհանգեցնի Իրանի կործանարար պատասխանին», Tasnim news-ը։
Չորեքշաբթի Թեհրանում Ազգային բանակի օրվան նվիրված զորահանդեսների շրջանակում լրագրողների հետ զրույցում գեներալ-մայոր Աբդոլրահիմ Մուսավին ասել է, որ այսօրվա միջոցառման ընթացքում ցուցադրվածը Իրանի ռազմական հնարավորությունների միայն մի փոքր մասն է: Նա նշել է, որ Իրանի բանակի ուժերն այս օրերին զգոն են պաշտպանական հենակետերում՝ ցանկացած հնարավոր թշնամական քայլի դեմ գործելու համար:
«Իրանի շահերի դեմ ագրեսիայի ցանկացած գործողություն կհանգեցնի երկրի կատաղի պատասխանին այնպես, որ ագրեսորը կզղջա իր քայլի համար»,- հավելել է նա՝ նախազգուշացնելով հակառակորդներին, որ ցանկացած թշնամական գործողություն Իրանին կստիպի պատասխանել ավելի մահացու զենքով, քան ցուցադրվածն է:
Հիշեցնենք, որ իսրայելական պարբերականները, հղում կատարելով իրազեկ աղբյուրներին, հայտնել են, որ Իսրայելի պաշտպանության բանակը կողմնորոշվել է Իրանի պատասխան հարվածի հարցում, սակայն դեռևս չի ընտրել դրա համար հարմար ժամանակը։
Ըստ այդ տվյալների՝ պատասխանի տարբերակները ենթադրում են հարվածներ իրանական միջուկային օբյեկտներին, հարվածներ բազաներին, ինչպես նաև ԱԹՍ-ների ու բալիստիկ հրթիռների արձակման հարթակներին։ Դիտարկվում են նաև պատժամիջոցները Իսլամական հեղափոխության պահապանների կորպուսի դեմ։
