24.02.2026 | 19:45
«Իմ կյանքը լուրջ վտանգի տակ է «Վանաձոր»-ի բերդում»․ կալանավորը սպառնալիքներ է ստանում. ՏԵՍԱՆՅՈՒԹ
Չեռնիգովին ՌԴ հարվածի հետևանքով մարդկային կորուստների և վիրավորների թիվն ավելանում է
Քաղաքականություն
17.04.2024 | 15:49
Ուկրաինայի հյուսիսում գտնվող Չեռնիգովի հրթիռակոծման հետևանքով խաղաղ բնակիչներ են զոհվել և վիրավորվել, փլատակների մաքրումը շարունակվում է, հայտնում են իշխանությունները: Զոհվածների թիվն ավելանում է, գրում է BBC-ի ռուսական ծառայությունը։
«Փրկարարական գործողություն է իրականացվում ռուսական հրթիռային հարձակումից հետո։ Մարդիկ փլատակների տակ են։ Այս պահի դրությամբ՝ հայտնի է 20 տուժածի և 10 զոհի մասին»,- Telegram-ալիքում հայտնել է Ուկրաինայի նախագահ Վլադիմիր Զելենսկին։
Գրառմանը կից հրապարակվել է նաև հարվածի հետևանքների լուսանկարները։
«Ցավոք, զոհերի թիվը կարող է աճել։ Դա տեղի չէր ունենա, եթե Ուկրաինան ստանար բավարար հակաօդային պաշտպանության համակարգեր, և եթե աշխարհի վճռականությունը նույնպես բավարար լիներ ռուսական ահաբեկչությանը հակազդելու հարցում»,- հավելել է Զելենսկին։
Ավելի ուշ Ուկրաինայի ներքին գործերի նախարար Իգոր Կլիմենկոն հայտնել է 11 զոհի և 22 վիրավորի մասին։
«Առնվազն երեք անհետ կորածների մասին հաղորդումներ կան։ Փլատակների տակ դեռևս մարդիկ կան, որոնողափրկարարական աշխատանքները շարունակվում են»,- նշել է նա։
