07.10.2026 | 12:01
Թրամփը հայտնել է, որ Պուտինի հետ հեռախոսազրույց կունենա Ռուսաստանում ժանտախտի իրավիճակի հետ կապված
Չեռնիգովին հարվածը մարդկային կյանքեր է խլել, կան բազմաթիվ վիրավորներ․ բնակչությանը կոչ են արել արյուն հանձնել
Քաղաքականություն
17.04.2024 | 14:14
Ուկրաինական Չեռնիգովին ռուսական հարվածի հետևանքով զոհվել է հինգ մարդ, հայտնել է քաղաքապետի պաշտոնակատար Ալեքսանդր Լոմակոն։
Չեռնիգովի շրջանային վարչակազմի ղեկավար Վյաչեսլավ Չաուսի խոսքով՝ քաղաքին երեք հրթիռային հարված է հասցվել։
«Կան զոհված քաղաքացիներ, բազմաթիվ վիրավորներ: Հիմա աշխատում են բժիշկներն ու փրկարարները։ Անհրաժեշտ օգնություն է ցուցաբերվում»,- ավելի վաղ գրել էր նա։
Լոմակոն պարզաբանել է, որ հարվածը չի եղել քաղաքի կենտրոնին։ Նրա խոսքով՝ հրթիռը դիպել է միկրոշրջաններից մեկում գտնվող բազմահարկ շենքին։ Նախնական տվյալներով՝ քանդվել է շենքի պատը, վնասվել են հարակից տներն ու մեքենաները։ Նա հավելել է, որ զոհերի թիվը կարող է աճել։
Չեռնիգովի շրջանային վարչակազմի ղեկավար Վյաչեսլավ Չաուսն էլ իր Telegram-ալիքում տեղի բնակիչներին արյուն հանձնելու կոչ է արել։ Հայտարարության մեջ ասվում է, որ արյուն է անհրաժեշտ «քաղաքում տիրող իրավիճակի պատճառով»։
