14.10.2026 | 12:30
ԵԱՀԿ գործող նախագահ Իգնասիո Կասիսը հոկտեմբերի 15-ին կժամանի Հայաստան
Քաղաքաշինության կոմիտեն և «Քաղաքաշինարարներ առանց սահմանների» կազմակերպությունը ստորագրել են համագործակցության համաձայնագիր
22.08.2018 | 20:00
Հայաստանի Հանրապետության քաղաքաշինության կոմիտեի և «Քաղաքաշինարարներ առանց սահմանների» միջազգային կազմակերպության միջև ստորագրվել է համագործակցության համաձայնագիր, որի նպատակն է նպաստել Կայուն զարգացման նպատակների (SDGs) և նոր քաղաքաշինական օրակարգի (NUA) իրականացմանը:
Ինչպես տեղեկացրին ՀՀ քաղաքաշինության կոմիտեի մամուլի ծառայությունից, համաձայնագրի ստորագրմանը նախորդել են ՀՀ քաղաքաշինության կոմիտեի նախագահ Ավետիք Էլոյանի, Կոմիտեի նախագահի խորհրդական Արմեն Մինասյանի և «Քաղաքաշինարարներ առանց սահմանների» կազմակերպության ներկայացուցչի հետ հանդիպումներ ու քննարկումներ աշխարհի տարբեր երկրներում USF կազմակերպության միջոցով իրականացրած ռազմավարական պլանավորման վերաբերյալ:
Ֆրանսիական կողմը, որը ներկայացնում էին «Քաղաքաշինարարներ առանց սահմանների» կազմակերպության նախագահ Մագի Քազալն և Հայաստանում Ֆրանսիայի դեսպանության Մշակույթի և համագործակցության հարցերով խորհրդական Ալեքս Բորտոլանը, Քաղաքաշինության կոմիտեի հետ պատրաստ է համագործակցել մասնագիտական տարբեր բնագավառներում՝ ազգային և ռեգիոնալ ռազմավարական պլանավորումները և այլն:
Կողմերը պայմանավորվել են Հայաստանում հոկտեմբերին տեղի ունենալիք Ֆրանկոֆոնիայի գագաթնաժողովի շրջանակներում անցկացնել կլոր սեղաններ՝ սոցիալական բնակարանաշինության և քաղաքաշինական այլ թեմաներով: Դրանց ներկա կգտնվեն ինչպես հայ, այնպես էլ ֆրանկոֆոն երկրներից Հայաստան ժամանած բարձրաստիճան այրեր և մասնագետներ:
