12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Ֆրանսիան պաշտոնապես «օլիմպիական զինադադար» չի առաջարկել. Պեսկով
Քաղաքականություն
16.04.2024 | 18:24
ՌԴ նախագահի խոսնակ Դմիտրի Պեսկովը հայտարարել է, որ Ֆրանսիան Փարիզի Օլիմպիական խաղերի ժամանակ հակամարտությունների հրադադարի մասին պաշտոնական առաջարկներ չի արել։
«Գիտեք՝ նախագահին բազմիցս տրվել են նմանատիպ հարցեր։ Ե՛վ նախագահը, և՛ մեր զինվորականներն ուշադրություն են հրավիրել այն փաստի վրա, որ Կիևի ռեժիմը, որպես կանոն, օգտագործում է նման գաղափարներ և նախաձեռնություններ՝ փորձելով վերախմբավորվել, վերազինվել և այլն։ Սա, իհարկե, էապես բարդացնում է նման նախաձեռնությունների քննարկման գործընթացը։ Եվ մինչ օրս ոչ ոք պաշտոնական քայլեր չի ձեռնարկել այս առումով»,- Պեսկովի խոսքերն է մեջբերում BBC-ի ռուսական ծառայությունը։
«Օլիմպիական զինադադարի» շրջանակում զինված հակամարտությունների կանգնեցումը հին ժամանակներից եկած ավանդույթ է, և Ֆրանսիայի նախագահ Էմանուել Մակրոնը երկուշաբթի հայտարարել էր, կփորձի հասնել դրան, երբ Փարիզը հյուրընկալի ամառային խաղերը հուլիսի 26-ից օգոստոսի 11-ը։
Ֆրանսիական լրատվամիջոցներին տված հարցազրույցում Մակրոնն ասել է, որ Ֆրանսիան «ամեն ինչ կանի» Ուկրաինայի, Գազայի հատվածի և Սուդանի հակամարտություններում զինադադարի հասնելու համար։
