24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Զելենսկին ստորագրել է մոբիլիզացիայի մասին օրենքը
Քաղաքականություն
16.04.2024 | 19:03
Ուկրաինայի նախագահ Վլադիմիր Զելենսկին ստորագրել է Գերագույն Ռադայի ընդունած զորահավաքի, զինվորական հաշվառման և զինվորական ծառայության որոշ հարցերի բարելավման մասին օրենքը, հաղորդում է BBC-ի ռուսական ծառայությունը։
Օրենքի հիմնական դրույթներն ուժի մեջ կմտնեն ստորագրման օրվանից մեկ ամիս հետո՝ մայիսի 16-ին։
Անցյալ հինգշաբթի ընդունված օրենքի հիմնական խնդիրն էր՝ ուժեղացնել մոբիլիզացիոն գործընթացները, սակայն դիտորդների շրջանում հստակ կարծիք չկա՝ արդյո՞ք վերջնական փաստաթուղթը կարող է դրան դիմակայել։
Ամեն դեպքում, այն պաշտոնապես խստացնում է զինվորական հաշվառման կանոնները, պատժամիջոցները «զորակոչիկների» նկատմամբ, սահմանում մոբիլիզացիայից տարկետման դրույթները։ Նախօրեին սոցցանցերում վրդովմունքի ալիք էր առաջացրել ուկրաինական բանակի շարքերում արդեն կռվող մարտիկների զորացրման մասին դրույթների, ինչպես նաև առաջնագծում զինվորական անձնակազմի պարտադիր ռոտացիան օրինագծից հանելը։
