07.10.2026 | 15:00
Հայտարարվել են քիմիայի ոլորտում Նոբելյան մրցանակի դափնեկիրները
Կրեմլը՝ ՌԴ-ի, Թուրքիայի և Ուկրաինայի միջև Սև ծովում նավագնացության անվտանգության ապահովման բանակցությունների մասին
Քաղաքականություն
16.04.2024 | 16:48
Կրեմլը չի մեկնաբանում Սև ծովում նավագնացության անվտանգության ապահովման համար Ռուսաստանի, Թուրքիայի և Ուկրաինայի մասնակցությամբ բանակցությունների մասին պնդումները։
«Ես ոչինչ չունեմ ասելու այդ թեմայի վերաբերյալ։ Իսկապես, մենք մեր թուրք գործընկերների հետ ունենք օրակարգի շատ տարբեր հարցեր, քննարկում ենք տարբեր հարցեր, այդ թվում՝ Սև ծովի հետ կապված։ Սակայն կոնկրետ այդ հաղորդումների հետ կապված ասելու ոչինչ չունեմ»,- լրագրողներին ասել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
Ավելի վաղ Reuters գործակալությունը, վկայակոչելով չորս աղբյուրների, հայտնել էր, որ Ռուսաստանը, Ուկրաինան և Թուրքիան երկու ամիս շարունակ բանակցություններ են վարել Սև ծովում անվտանգ նավագնացության վերաբերյալ գործարքի շուրջ և մոտ են եղել փաստաթղթի շուրջ համաձայնության գալուն, սակայն վերջին պահին Ուկրաինան անսպասելիորեն դուրս է եկել համաձայնությունից և գործարքը խափանվել է։
