09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
ԱՄՆ-ն ու դաշնակիցներն ուղղակիորեն չեն մասնակցի Ուկրաինայի վրա հարձակվող անօդաչուների ոչնչացմանը․ Քիրբի
Քաղաքականություն
16.04.2024 | 14:23
ԱՄՆ-ն ու նրա դաշնակիցներն ուղղակիորեն չեն մասնակցի ռուսական կողմից Ուկրաինայի վրա հարձակվող անօդաչուների ոչնչացմանը։ Սա է հետևում Սպիտակ տան Ազգային անվտանգության խորհրդի ներկայացուցիչ Ջոն Քիրբիի հայտարարությունից, գրում է DW-ի ռուսական ծառայությունը;
Լրագրողներից մեկը Քիրբիին հարց է ուղղել՝ «եթե ԱՄՆ-ը և դաշնակիցները կարող են օգնել խոցել իրանական անօդաչու թռչող սարքերն Իսրայելի երկնքում, ինչո՞ւ նույնը չի կարելի անել Ուկրաինայի երկնքում», ինչին ի պատասխան՝ Քիրբին ասել է, որ խոսքը տարբեր հակամարտությունների մասին է։
«Տարբեր հակամարտություններ, տարբեր օդային տարածք, տարբեր սպառնալիքների պատկեր, իսկ նախագահը (Ջո Բայդենը) Ուկրաինայում հակամարտության հենց սկզբից հասկացրել է, որ Միացյալ Նահանգները մտադիր չէ միջամտել այս հակամարտությանը կոմբատանտի դերում»,- ասել է Քիրբին։
Ավելի վաղ Ուկրաինայի նախագահ Վլադիմիր Զելենսկին ընդգծել էր Իսրայելի պաշտպանության արդյունավետությունը միջազգային գործընկերների աջակցության շնորհիվ։
«Եվրոպական երկինքը վաղուց արդեն կարող էր ստանալ նման մակարդակի պաշտպանություն, եթե Ուկրաինան ստանար այնպիսի լիարժեք աջակցություն իր գործընկերներից ԱԹՍ-ները ու հրթիռները որսալու համար։ Ահաբեկչությանը պետք է հաղթել ամբողջությամբ ու ամենուր, և ոչ թե ավելի շատ մեկ վայրում և ավելի քիչ՝ մյուս։ Այժմ մենք տեսնում ենք, թե ինչպես է միասնությունը իսկապես կարող է գործել հարյուր տոկոսով, և ինչպես «Շահեդ»-ների և հրթիռների գրեթե հարյուր տոկոսը կարող են որսալ։ Մենք դա կքննարկենք մեր գործընկերների հետ»,- նշել էր Զելենսկին X-ի իր միկրոբլոգում:
