12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
ՄԱԳԱՏԷ-ի տեսուչները ժամանակավորապես դադարեցրել են աշխատանքն Իրանում
Քաղաքականություն
16.04.2024 | 12:34
ՄԱԳԱՏԷ-ի ղեկավարը հայտարարել է, որ կազմակերպության փորձագետներն այս շաբաթ կարճ ժամանակով դադարեցրել են իրանական միջուկային օբյեկտների ստուգումները Իսրայելի և Իրանի միջև լարվածության ֆոնին, գրում է VOA-ն:
«Կարող եմ ասել, որ Իրանի կառավարությունը երեկ տեղեկացրել է մեր տեսուչներին, որ բոլոր միջուկային օբյեկտները, որոնք մենք ամեն օր ստուգում ենք, փակ կլինեն անվտանգության նկատառումներից ելնելով»,- ասել է Ռաֆայել Գրոսսին ՄԱԿ-ում լրագրողների հետ զրույցում։
Նա հայտնել է, որ հաստատությունները պետք է վերաբացվեին ստուգումների համար երկուշաբթի օրը, բայց ՄԱԳԱՏԷ-ն որոշել է սպասել ևս մեկ օր, որպեսզի համոզվի, որ իրավիճակը «լիովին հանգիստ է»:
Շաբաթ լույս կիրակի գիշերը Իրանը հարձակվել էր Իսրայելի վրա ավելի քան 300 անօդաչու թռչող սարքերով, բալիստիկ և թևավոր հրթիռներով։
Մինչ Իսրայելը քննարկում է հակահարձակման նպատակահարմարությունը, որոշ վերլուծաբաններ հարց են բարձրացնում ՝ արդյո՞ք Իսրայելի վարչապետ Բենիամին Նեթանյահուն կարող է հարված հասցնել Իրանի միջուկային օբյեկտներին:
