20.05.2024 | 23:30
Վերահաստատում ենք մեր խոր մտահոգությունը. Լրագրողական կազմակերպությունները՝ լրագրողների նկատմամբ ճնշումների առնչությամբ
Ոստիկանությունը ձերբակալել է ՔՊ պատգամավոր Հակոբ Ասլանյանի հետ միջադեպի մասնակցին
Հասարակություն
15.04.2024 | 18:12
Ոստիկանությունը խուլիգանության կասկածանքով ձերբակալել է հանրային տրանսպորտում ՔՊ պատգամավոր Հակոբ Ասլանյանի հետ վիճաբանության մեջ մտած քաղաքացուն, այս մասին Factor.am-ին հայտնեց ՆԳ նախարարի մամուլի խոսնակ Նարեկ Սարգսյանը։
Նշենք, որ այսօր հանրային տրանսպորտում միջադեպ էր տեղի ունեցել մի երիտասադի և ՔՊ-ական պատգամավոր Հակոբ Ասլանյանի միջև։
Հիշեցնենք, որ համացանցում տարածվել էր տեսանյութ, որում հասարակական տրանսպորտով երթևեկող «Քաղաքացիական պայմանագիր» խմբակցության պատգամավոր Հակոբ Ասլանյանին մի երիտասարդ վիրավորում է և խանգարում է իջնել տրանսպորտից։ Երիտասարդը հեռախոսի տեսախցիկը ուղղում է դեպի Ասլանյանի կողմը ու ասում՝ «մարդամե՞ջ եք հելնում դո՞ւք, սա նիկոլական վիժվածք է»:
Factor.am-ի հետ զրույցում Հակոբ Ասլանյանը պնդել էր՝ ինքը չի հարվածել իրեն ավտոբուսից իջնել թույլ չտվող երիտասարդին, միայն հրել է, որպեսզի կարողանա իջնել տրանսպորտից, արդյուքնում էլ քաշքշոց է տեղի ունեցել։
Հակոբ Ասլանյանը մեզ հետ զրույցում հայտնել էր, որ իր հետ կապված միջադեպի առթիվ հաղորդում է ներկայացրել ոստիկանություն։
Միջադեպին անդրադարձել է նաև ԱԺ նախագահ Ալեն Սիմոնյանը, նա տելագրամյան իր ալիքում գրել է․ «Այսօր մի ոչնչություն իրեն թույլ է տվել խուլիգանական արարք հանրային տրանսպորտով երթևեկող ՀՀ ԱԺ պատգամավոր 69-ամյա Հակոբ Ասլանյանի նկատմամբ, ով, ի դեպ, երեք պատերազմի մասնակից է: Այս խուլիգանական արարքը շատ արագ արժանանալու է օրենքի ամենախիստ արձագանքին, թող հանկարծ որևէ մեկը չկասկածի»:
ՔՊ պատգամավոր Հակոբ Ասլանյանին ավտոբուսում վիրավորել են․ նա ոստիկանություն հաղորդում է ներկայացրել
