22.07.2026 | 16:21
Քոլբի Քովինգթոն․ «Համոզված եմ` Արման Ծառուկյանը դառնալու է UFC-ի չեմպիոն»
Բելառուսում լրագրողին 15 օրով կալանավորել են «ծայրահեղական» Telegram-ալիքների բաժանորդագրվելու համար
Քաղաքականություն
15.04.2024 | 18:32
Բելառուսի դատարանը 15 օրով կալանավորել է «Վեչերնի Բոբրույսկ» պարբերականի լրագրող Դենիս Նոսովին՝ «ծայրահեղական» նյութեր տարածելու գործով (Բելառուսի Հանրապետության Վարչական իրավախախտումների վերաբերյալ օրենսգրքի 19.11 հոդված), հայտնում է Mediazona Belarus-ը։
Լրագրողի ձերբակալության մասին հայտնի է դարձել «ապաշխարության» տեսանյութից, որը հրապարակվել է իշխանամետ «Վեցերորդ տարածաշրջան» Telegram-ալիքում։
Տեսանյութում լրագրողը նշում է՝ իր կալանավորման պատճառն այն էր, որ 2020 թվականից Telegram-ով «ծայրահեղական» նյութեր է ուղարկել ընկերներին, իսկ Ուկրաինայում լայնածավալ պատերազմի սկսվելուց հետո բաժանորդագրվել է «ծայրահեղական» ալիքներին՝ «իրադարձություններից տեղյակ» լինելու համար։
