06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Տաջիկստանը վիզային ռեժիմ է սահմանել Թուրքիայի քաղաքացիների համար
Քաղաքականություն
15.04.2024 | 21:48
Տաջիկստանի կառավարությունը որոշել է ապրիլի 20-ից վիզային ռեժիմ մտցնել Թուրքիայի քաղաքացիների համար։ Այս մասին հայտնում է Khovar պետական գործակալությունը՝ վկայակոչելով Տաջիկստանի ԱԳՆ-ին։
Նշվում է, որ ըստ կառավարության 2024 թվականի մարտի 28-ի թիվ 190 որոշման՝ փոխադարձության սկզբունքով 2024 թվականի 20-ից սկսած վիզային ռեժիմը կկիրառվի Թուրքիայի ընդհանուր քաղաքացիական օտարերկրյա անձնագրեր ունեցողների նկատմամբ։
Թուրքիայի քաղաքացիները կարող են ստանալ Տաջիկստանի Հանրապետության վիզա երկրի դեսպանատներում և հյուպատոսություններում:
Ավելի վաղ Թուրքիայի նախագահ Ռեջեփ Թայիփ Էրդողանը հրամանագիր էր ստորագրել Տաջիկստանի քաղաքացիների համար առանց վիզայի ռեժիմը վերացնելու մասին։ Այս որոշումը հաջորդել էր ՌԴ-ում «Կրոկուս սիթի հոլլ»-ում տեղի ունեցած ահաբեկչությանը, որի իրականացման համար Տաջիկստանի քաղաքացիներ են ձերբակալվել։
Տաջիկստանի ԱԳՆ պաշտոնական ներկայացուցիչ Շոխին Սամադին ասել էր, որ Դուշանբեն դիտարկում է Թուրքիայի քաղաքացիների համար վիզային ռեժիմ սահմանելու հնարավորությունը՝ Անկարայի որոշումից հետո։
Էմմա Չոբանյան
