22.02.2026 | 11:08
Լվովում ահաբեկչություն է տեղի ունեցել․ առևտրի կենտրոնի մոտ ինքնաշեն սարք է պայթել, ոստիկան է զոհվել
Ծեծկռտուք Վրաստանի խորհրդարանում «օտարերկրյա գործակալների» մասին օրենքի քննարկման ժամանակ․ ՏԵՍԱՆՅՈՒԹ
Քաղաքականություն
15.04.2024 | 16:24
Վրաստանի խորհրդարանի իրավական հարցերի հանձնաժողովի նիստում, որտեղ քննարկվում է «Օտարերկրյա ազդեցության թափանցիկության մասին» վիճահարույց օրենքի նախագիծը, ընդդիմադիր պատգամավորներից մեկը ծեծկռտուքի մեջ է մտել իշխող կուսակցության ներկայացուցչի հետ, հայտնում է « Эхо Кавказа»-ն։
Քննարկման ժամանակ, երբ «Վրացական երազանք»-ի պատգամավոր Մամուկա Մդինարաձեն վիճել է ընդդիմադիր «Լելո» կուսակցության ներկայացուցչի հետ, «Քաղաքացիներ» կուսակցության առաջնորդ Ալեկո Էլիսաշվիլին մոտեցել և բռունցքով հարվածել է նրա դեմքին։ Դրանից հետո պատգամավորները լքել են դահլիճը և շարունակել վիճաբանությունը միջանցքում։
Արդյունքում Էլիսաշվիլին լքել է խորհրդարանի շենքը և էմոցիոնալ մեկնաբանություն տվել լրագրողներին՝ ասելով, որ իրեն վռնդել են։
Հավելենք, որ օրենսդրական նախաձեռնությունը բողոքի ցույցերի պատճառ է դարձել։ Ակտիվիստների մի քանի խմբեր այսօր ժամը 19:00-ին ավելի մեծ բողոքի ակցիայի մասին են հայտարարել։ Քննադատները օրենքի այս նախագիծն անվանել են «ռուսական օրենք», քանի որ այն նման է օրենսդրությանը, որն օգտագործվում է Ռուսաստանում անկախ ԶԼՄ-ներին և քաղաքացիական հասարակությանը ճնշելու համար:
