15.12.2025 | 13:49
Ուիթկոֆը հայտարարել է Բեռլինում Զելենսկիի հետ բանակցություններում «նշանակալի առաջընթացի» մասին
Մակրոնը կրկին խոսում է օլիմպիական հրադադարի մասին
Քաղաքականություն
15.04.2024 | 16:34
Ֆրանսիայի նախագահ Էմանուել Մակրոնն առաջարկում է օլիմպիական զինադադար հայտարարել 2024 թվականի ամառային Օլիմպիական խաղերի ժամանակ։ Այս մասին նա ասել է RMC-ին և BFMTV-ին տված հարցազրույցում։
«Չինաստանի ղեկավարը մի քանի շաբաթից կժամանի Փարիզ։ Ես խնդրեցի նրան օգնել։ 2022 թվականին ևս մեր առջև նման խնդիր էր կանգնած ձմեռային օլիմպիական խաղերից առաջ, որոնք հյուրընկալել էր Չինաստանը։ Հետևաբար, սա կարող է դառնալ նաևւ դիվանագիտական պահ աշխարհի համար»,- Ֆրանսիայի նախագահի խոսքերն է մեջբերում BBC-ի ռուսական ծառայությունը։
Մակրոնն ասել է, որ նկատի ունի Իսրայելի պատերազմը ՀԱՄԱՍ-ի դեմ, Ռուսաստանի պատերազմն Ուկրաինայի դեմ և պատերազմը Սուդանում։
Մարտին Էմանուել Մակրոնն ուկրաինական լրատվամիջոցներին տված հարցազրույցում ասել էր, որ Ֆրանսիան Ռուսաստանին կառաջարկի Օլիմպիական խաղերի տևողությամբ զինադադար հաստատել Ուկրաինայում։
Օլիմպիական խաղերը տեղի կունենան Փարիզում հուլիսի 26-ից օգոստոսի 11-ը։
