09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
ՌԴ-ն փոխել է Ուկրաինայի ուղղությամբ զանգվածային հարվածների մարտավարությունը. CNN
Քաղաքականություն
15.04.2024 | 17:52
Վերջին շաբաթներին ռուսական զորքերը սկսել են նոր մարտավարություն կիրառել ուկրաինական էներգետիկ օբյեկտների վրա հարձակվելու համար։ Եթե նախկինում գրոհները ցրիվ էին, ապա այժմ դրանք դարձել են ավելի ճշգրիտ ու կենտրոնացված, հաղորդում է CNN-ը։
«Նրանց մարտավարությունը փոխվել է, ցավոք, ոչ դեպի լավը մեզ համար»,- ասել է Ուկրաինայի էներգետիկայի փոխնախարար Սվետլանա Գրինչուկը։
Նրա խոսքով՝ ռուսական զանգվածային հարձակումների հետևանքով «վերակառուցման և վերանորոգման գրեթե մեկ տարվա ջանքերն ավերվել են մի քանի օրվա ընթացքում»:
Ռուսաստանը սկսել է նոր մարտավարություն կիրառել մարտի 22-ին՝ Ուկրաինայի վրա իր ամենազանգվածային հարձակումներից մեկի ժամանակ, ասել է Կիևում գործող Էներգետիկ արդյունաբերության հետազոտական կենտրոնի (EIRC) տնօրեն Ալեքսանդր Խարչենկոն:
«Նոր ռազմավարությունն իրենից ներկայացնում է զանգվածային հրթիռային հարվածներ կոնկրետ թիրախների դեմ՝ մեծ թվով հրթիռներով և անօդաչու սարքերով, որոնք միաժամանակ ուղղված են շատ սահմանափակ թվով թիրախների»,- ասել է նա:
