26.04.2026 | 10:44
Լարսը բաց է բոլոր տեսակի տրանսպորտային միջոցների համար
Ղազախստանում ջրհեղեղների պատճառով ավելի քան 108 հազար մարդ է տարհանվել
Քաղաքականություն
15.04.2024 | 14:36
Ղազախստանում տարերային աղետի գոտուց փրկվել է ավելի քան 3000 մարդ, ևս 108 հազարը տարհանվել է, հայտնել է երկրի Արտակարգ իրավիճակների նախարարությունը։ Ըստ գերատեսչության տվյալների՝ հեղեղված են մնում 5411 մասնավոր տներ ու 1607 բակային տարածքներ։
Գրեթե 12 հազար մարդ վերադարձել է իրենց տներ, հավելել են գերատեսչությունից։
Որոնողափրկարարական աշխատանքներում ներգրավվել է 33 հազար մարդ, ավելի քան 4 միավոր տեխնիկա, ինչպես նաև 11 օդանավ։ Տուժած շրջաններ է հասցվել 1400 տոննա մարդասիրական օգնություն։
Հիշեցնենք, որ Ղազախստանում գարնանային վարարումների հետ կապված բարդ իրավիճակ է ստեղծվել, 10 տարածաշրջաններում արտակարգ դրություն է հայտարարվել։ Երկրի նախագահ Կասիմ-Ժոմարտ Տոկաևը հայտարարել է, որ այս ջրհեղեղները հանրապետությունում գրանցված ամենամեծ աղետն են վերջին 80 տարվա ընթացքում։
