25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Բլինքենն ու Ֆիդանը քննարկել են տարածաշրջանում իրավիճակը
Քաղաքականություն
15.04.2024 | 11:29
ԱՄՆ պետքարտուղար Էնթոնի Բլինքենն ու Թուրքիայի ԱԳ նախարար Հաքան Ֆիդանը հեռախոսազրույց են ունեցել։ Թուրքական լրատվամիջոցները, վկայակոչելով դիվանագիտական աղբյուրներին, հայտնում են, որ կողմերը քննարկել են տարածաշրջանում իրավիճակը Իրանի՝ Իսրայելի վրա պատասխան հարձակումից հետո։
Ֆիդանը Բլինքենին ասել է, որ Գազայի պատերազմը իսրայելա-իրանական հակամարտության հիմքում է, և որ անհրաժեշտ է զինադադար, հակառակ դեպքում ճգնաժամը կշարունակի սրվել։ Նա նաև հայտարարել է, որ Թուրքիան անհանգստացած է տարածաշրջանում ճգնաժամի էսկալացիայի և տարածման հնարավորությամբ։ Ֆիդանն ասել է, թե Գազայի ճգնաժամի հենց սկզբից Թուրքիան բազմիցս հայտարարել է, որ կա տարածաշրջանային հակամարտության վերածվելու վտանգ։
Թուրքիայի ԱԳ նախարարը նշել է, որ անհրաժեշտ է անհապաղ հրադադար հայտարարել և ապահովել մարդասիրական օգնության անխափան առաքումը Գազա, հակառակ դեպքում ճգնաժամի մասշտաբները կշարունակեն աճել։
Ֆիդանը նաև հայտարարել է, որ Իսրայելի վրա ազդեցություն ունեցող երկրները պետք է ճիշտ ազդակներ ուղարկեն՝ կանխելու լարվածության աճը։
