30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Անկարան տարածաշրջանում հետագա էսկալացիա չի ցանկանում. Ֆիդանը՝ իրանցի գործընկերոջը
Քաղաքականություն
14.04.2024 | 19:11
Անկարան չի ցանկանում տարածաշրջանում իրավիճակի հետագա սրում Իսրայելի դեմ Իրանի պատասխան քայլերից հետո․ հայտարարել է Թուրքիայի արտգործնախարար Հաքան Ֆիդանն իր իրանցի գործընկեր Հոսեյն Ամիր Աբդոլլահյանի հետ հեռախոսազրույցում։ Այս մասին գրում է Anadolu-ն՝ վկայակոչելով դիվանագիտական աղբյուրները։
Թուրք նախարարը կոչ է արել խուսափել քայլերից, որոնք կարող են հանգեցնել լարվածության աճի։
Աբդոլլահյանն իր հերթին վստահեցրել է, որ Թեհրանը չի պատրաստվում նոր գործողություն սկսել, քանի դեռ իր վրա չեն հարձակվել։ Միևնույն ժամանակ, իրանցի դիվանագետն ընդգծել է, որ «եթե Իրանի վրա նորից հարձակվեն, էլ ավելի հզոր պատասխան կստանան»։
