14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Իրանի ռազմական գործողությունները հիմնված են ՄԱԿ-ի կանոնադրության վրա․ Ղալիբաֆ
Քաղաքականություն
14.04.2024 | 11:01
Իրանի խորհրդարանի նախագահ Մոհամմադ Բաղեր Ղալիբաֆը հայտարարել է, որ Իսլամական Հանրապետության ռազմական գործողությունները՝ ի պատասխան Իսրայելի կողմից Դամասկոսում երկրի դիվանագիտական շենքերի վրա վերջերս կատարված հարձակման, հիմնված են ՄԱԿ-ի կանոնադրության վրա․ փոխանցում է IRNA գործակալությունը։
«Իրանի պատասխանն ավելի ուժեղ կլինի, եթե Սիոնիստական ռեժիմը կամ նրա դաշնակիցները եւս մեկ սխալ թույլ տան»,- այսօր Իրանի խորհրդարանի բաց նիստում ասել է Ղալիբաֆը։
Նա նաև նշել է, որ «ուզուրպացնող և երեխա սպանող» ռեժիմի նկատմամբ վրեժխնդրությունը երջանկացրել է ողջ աշխարհի մուսուլմաններին։
ՄԱԿ-ում Իրանի դեսպան և մշտական ներկայացուցիչ Ամիր-Սայիդ Իրավանին էլ ասել է. «Եթե Իսրայելի ռեժիմը նորից ռազմական ագրեսիա իրականացնի, Իրանի պատասխանը վստահաբար և վճռականորեն կլինի ավելի ուժեղ և ավելի վճռական»:
