12.08.2026 | 00:10
«Արարատ-Արմենիան» դուրս մնաց Չեմպիոնների լիգայից. ՏԵՍԱՆՅՈՒԹ
ԱՄՆ-ն Իրանի հետ հակամարտության ձգտումներ չունի. ԱՄՆ պաշտպանության նախարար
Քաղաքականություն
14.04.2024 | 10:34
Նախագահ Բայդենի ցուցումով ԱՄՆ-ի ուժերը Մերձավոր Արևելքում ապրիլի 13-ին որսացել են տասնյակ հրթիռներ և անօդաչու թռչող սարքեր, որոնք ուղևորվել են դեպի Իսրայել՝ արձակված Իրանից, Իրաքից, Սիրիայից և Եմենից: Մեր ուժերը պահպանում են դիրքերը՝ պաշտպանելու ԱՄՆ զորքերին և գործընկերներին տարածաշրջանում, Իսրայելի պաշտպանությանը հետագա աջակցություն ցուցաբերելու և տարածաշրջանային կայունությունը բարձրացնելու համար։ Այս մասին հայտարարել է ԱՄՆ պաշտպանության նախարար Լլոյդ Օսթինը։
«Մենք դատապարտում ենք Իրանի և նրա վստահված անձանց այս անխոհեմ և աննախադեպ հարձակումները և կոչ ենք անում Իրանին անհապաղ դադարեցնել ցանկացած հետագա հարձակում, այդ թվում՝ իր վստահված ուժերի կողմից, և թուլացնել լարվածությունը: Մենք չենք ձգտում հակամարտություն Իրանի հետ, բայց չենք վարանի գործել՝ պաշտպանելու մեր ուժերը և աջակցելու Իսրայելի պաշտպանությանը։
Ես երախտապարտ եմ ամերիկյան քաջարի զորքերի պրոֆեսիոնալիզմի և հմտության համար, ովքեր մասնակցել են այսօրվա գործողություններին և ովքեր շարունակում են պահապան կանգնել՝ կանխելու հետագա հակամարտությունը կամ էսկալացիան։ Ես կշարունակեմ ուշադիր հետևել իրավիճակին և խորհրդակցել մեր դաշնակիցների և գործընկերների հետ»,- ասվում է Պենտագոնի կողմից հրապարակված հայտարարության մեջ։
